Sot për të tretën herë radhazi gjatë muajit Qershor janë mbajtur intervistat me rrjetin e klinikave SANA, ndër partnerët kryesor të Programit për Karrierë dhe Punësim.
Përgjatë këtyrë tri ditëve, një numër i madh i studentëve të Infermierisë së Kolegjit AAB, të cilët janë pjesë e Programit për Karrierë dhe Punësim, janë intervistuar nga drejtoresha e rrjetit të klinikave SANA për zonën e Düsseldorfit dhe Kölnit.
Intervistat u realizuan online, ku partneri jonë gjerman SANA pati mundësinë që të njoh dhe të intervistojë studentët potencial të cilët do jenë pjesë përbërëse e stafit të klinikave të cilat operojnë në ombrellën e SANA. Intervistat janë realizuar të gjitha në gjuhën gjermane, pasi që studentët e Programit të cilët janë intervistuar veqse janë në përfundim të nivelit B2 të gjuhës gjermane në kurset të cilat i organizon LINGUA..
Përfaqësuesit e klinikave janë shprehur jashtëzakonisht të kënaqur me performancën dhe përgatitjen e studentëve të Programit si në gjuhën gjermane poashtu edhe për përgatitjen e tyre profesionale. Ndërsa studentët e Programit për Karrierë dhe Punësim, janë shprehur mirënjohës ndaj Programit për mundësitë e pafundme që ofron Programi, ndër të tjera edhe mundësinë që të njohin paraprakisht punëdhënësin e tyre gjerman.
Studentët e Programit, së shpejti do të informohen individualisht për rezultatin e intervistave me rrjetin e klinikave SANA.
